Đơs tàm dơ̆ lơh broă, Tổng Ƀí thư ồng Tô Lâm pà git, mùl màl tàm ờ uă càr, ƀòn dờng gam geh ngui khà priă ù kas ngan, lơh gơtìp tus mờ priă tă tơm ntrờn ù tiah mờ broă lơh jăt ală rơndăp broă bơcri priă dà lơgar gơguh, lơh priă ù, hìu ơm gơguh jăt mờ gơrềng uă bơta ndai tai.

Tàm bơta do, Tổng Ƀí thư ồng Tô Lâm đơs loh nùs nhơm bơh broă rơcang cih adăt pal ngui di cồng nha geh kwơ bơh ù dê wèt tus bơta kwơ ù tiah ring bal, geh cồng nha, sơndră mờ hoàc huơr, tàm hơ̆ uă ngan là tam dră mờ bơta kwơ mpồl. Tài ù tiah là bơta pràn dờng, là phan lơh sa bơh broă lơh sa dê, do kung là nùs nhơm geh sùm bơh Đảng mờ Dà lơgar dê. Tổng Ƀí thư đơs nền, ală nùs nhơm geh gùng dà broă lơh dờng mờ broă kwơ màng bơh Jơnau rơcang cih Adăt Ù tiah (tam gơl) pal geh ai tơrgùm bal ală adăt gơrềng bal tus ală tơngu me tàm gah dia, hìu ơm, kă bro ù, hìu ơm, broă rơndăp lơh phan geh kwơ tàm ù tiah.