Mho òr (21/09), tàm Hà Nội, Tập đoàn Lơh sa mờ măi mok – Năng lượng Dà lơgar Việt Nam (Petrovietnam) bơyai lơh dơ̆ Tơngkah 50 nam Ngai crơng gơs mờ dờp Gai lòng Lơh broă khà dùl. Tus bal mờ đơs tàm Dơ̆ tơngkah, Tổng Ƀí thư đơs sùm gơnoar broă bơh Petrovietnam dê, pah nam tă pơgồp bơh 20 tus 30% tàm kờp jơh lùp dồs priă dia dà lơgar, pơgồp bơnah kuơmàng ngan gàr kơ̆ broă lơh sa dờng, gàr tơl năng lượng dà lơgar; đơs nền gơnoar broă mpồl lơh sa kă bro dà lơgar lam lài mut gơ rờm bal lơh sa ală lơgar.

Mut tàm tŭ tơngai pa, Tổng Ƀí thư sồr Petrovietnam sùm đòm jat bơhiàn khin cha jak chài nàng bơt bơtàu Tập đoàn Lơh sa mờ măi mok – Năng lượng Dà lơgar pràn kơldang; Petrovietnam pal là mpồl tờm ngan lơh gơlik ală mpồl lơh sa mờ măi mok pa, lam lài tàm năng lượng pa mờ năng lượng lơh geh wơl, ai jak chài măi mok, tam gơl pa bơceh lơh mờ tam gơl sồ lơh bơnàng jă chồl tơnguh bơta tam gơl pràn.