Sền dờng màng jàu Huân cương Lơh broă khà Dùl pà Tơrgùm Ală mpồl Cau ùr Việt Nam in, Tổng Ƀí thư ồng Tô Lâm đơs nền, cau ùr Việt Nam sùm là anih kơldìng bơh hìu bơnhă dê, là anih bơh ngkời kơ̆ kơnhăp, là tiah tam lơh khin cha, là cau tờm tam klăc dê mờ gơboh kòn bơnus tàm mpồl bơtiàn.

Đơs là, Pơrjum dờng Tàm pơrlòng gơboh lơgar dơ̆ V bơh Tơrgùm Ală mpồl Cau ùr Việt Nam dê là dơ̆ kwơmàng nàng tơn jơh, jờng rơ mờ pờ gơlik dùl tŭ tơngai tàm pơrlòng pa- geh kwơ ngan ngồn, cồng nha, lơh gơrề uă, mờ bal mờ jơnau kơ̆p kờñ Tơrgùm ală mpồl cau ùr “Wil bè Àng kơnhai ndar me”, Tổng Ƀí thư ai gĭt 10 pơlam gùng, kơnòl broă tờm kwơmàng bè ală “Tam gơl pràn kwơmàng” nàng Tơrgùm ală mpồl cau ùr in kơlôi sơnơng, lơh jăt tơngai tus, tàm hơ̆ pal bơ̆t bơtàu cau ùr Việt Nam rài pa: Gơboh lơgar- Rơcăng lài is – Khin cha – Gơboh kòn bơnus – Bồ tơngoh jak – Bơceh lơh – Kơnòl – Sồ - Tơlir; tơngguh niam wơl srơh “Bơ̆t bơtàu hìu bơnhă 5 ờ, 3 sàng goh” gơgơs “5 ờ, 3 sàng goh, 3 lơngai”: lơngăp lơngai- lơngai bồ tơngoh- lơngai rài kis”.