Ala mat đơng lam bồ Đảng, Dà lơgar jàu sră jờng rơ Cau ling khin cha jak chài Mpồl ling phàu crong làng bol pà ai Tổng kụk Lơh sa mờ măi mok in, Tổng Ƀí thư ồng Tô Lâm đơs nền, lòt gan 80 nam bơt bơtàu, tam lơh mờ dờng pràn, kwang bàng, cau ling, ling geh griăt ờs mờng, cau lơh phan, viên cứk, cau lơh broă sền gàr Dà lơgar bơh gah Mpồl ling lài do mờ Tổng kụk Lơh sa mờ măi mok sền gàr Dà lơgar tŭ do neh tơngŏ loh làng nùs nhơm khin cha cíñ trị kơ̆ kơl jăp, jơh nùs dòn song mờ broă lơh kăc màng bơh Đảng, nùs nhơm sơr lèt gan kal ke, lơh is, lơh pràn is, tơryang tơryồng, ngăc ngar, bơceh lơh, tam klăc bal rềp mềr mờ làng bol.

Tơngai tus nàng lơh sir ală jơnau kờñ bơt bơtàu Ling klàng Làng bol Việt Nam kăc màng, cíñ quy, nhăp nhar, pa ngan, Tổng Ƀí thư sồr Quân ủy Dà lơgar, Ƀộ Ling klàng tơrgùm đơng lam, sồr Tổng kụk Lơh sa mờ măi mok sền gàr Dà lơgar sùm bơsram lơh jat niam ngan, geh cồng nha ală gùng dà broă lơh, sồr lơh bơh Đảng, Dà lơgar, mpồl ling dê bè bơtàu tơnguh lơh sa mờ măi mok sền gàr Dà lơgar, pơgồp bal niam đah sền gàr dà lơgar mờ lơh sa, lơh sa mờ sền gàr Dà lơgar tus nam 2030.