Đơs pơndŭt dơ̆ lơh broă, Tổng Ƀí thư đơs sùm Sră nggal, geh: Jơnau yal cíñ trị mờ Broă lơh lơh broă tơngai bơh nam 2026- 2031, pal tơnggŏ hơ pơrgon pràn kơldang Đảng dê bè dùl tŭ tơngai bơtàu tơngguh pa: kơ̆ kơl jăp nàng tam gơl pràn, pa ngan, glòm jơh, kơnhăp jŏ; gàr niam lơngăp lơngai jơh ală bơta, rề ơnàng ù tiah bơtàu tơngguh tàm bơta tàm pơrlòng mờ tam gơl gùt plai ù.

Tổng Ƀí thư sồr tơn jơh 40 nam tam gơl pa pal ai gĭt geh jơnau bơsram tờm ngan, kơ̆ nùs jơnau kờñ lơngăp lơngai is jơi bơtiàn mờ Củ nghĩa sàh hội, tam gơl pa geh bơta pal jăt, lơh jăt niam tam klăc dờng, ai kòn bơnus lơh anih tờm, pơgồp bal bơta pràn jơi bơtiàn mờ tŭ tơngai, rơcăng lài mŭt gơrờm bal, ngui jơh tŭ niam bơh tam gơl tơlir, sồ mờ rơndăp tăp sèng wơl ală anih lơh gơlik phan gùt plai ù.