Tàm dơ̆ cribơyai kấp dờng, Tổng Ƀí thư ồng Tô Lâm pin dờn bơh bơta đơng lam bơh Thủ tướng lơgar Anh ồng Keir Starmer dê, lơgar Anh rơ̆p pơn jat tai bơtàu tơnguh pràn kơl dang, tă pơgồp jơh nùs tàm ring lơngai, lơh broă bal mờ bơtàu tơnguh kơnhăp jŏ tàm dunia. Bàr nă kwang đơng lam bồ ring bal ai jơnau kờñ gơguh priă lơh geh bơh broă kă bro phan gơguh uă rlau 2 dơ̆ tàm tơngai tus.

Thủ tướng lơgar Anh kơ̆p kờñ Việt Nam kờñ ală lơh broă bal bè kă bro phan điện tử, drơng broă priă jền tàm tơngume Jơnau kĭ hơ Tam klăc lơh broă bal tơl làm mờ gơguh jak gan Thái Bình Dương (CPTPP). Tơn jơh dơ̆ pơrjum cribơyai, bàr nă kwang đơng lam bồ neh tơlik Jơnau yal bơr bal bè broă 2 gah ngan ngồn tơnguh bơta gĭt gơ̆p Việt Nam mờ Anh gơguh tus Tam klăc lơh broă bal kwơ màng tơl làm.