Đơs pơndŭt dơ̆ lơh broă, Tổng Ƀí thư sồr Anih duh broă Đơng lam Đảng Cíñ phủ pơgồp bal mờ ală anih lơh broă mhar sền swì cồng nha lơh jăt Jơnau lơh nền tàm pơrjum sồ 19 bè broă lơh sa sươn sre, cau lơh broă sa, ƀòn lơgar mờ Jơnau lơh nền tàm pơrjum sồ 06 bè rơndăp ù tiah, bơ̆t bơtàu, ătbồ tiah drà.

Tổng Ƀí thư sồr ală sền swì pal song dơ pă loh làng, tơl làm, ai gĭt loh broă kờñ pal tam gơl; mơkung kơlôi sơnơng nền ală bơta lòng pa tơnơ̆ rơndăp tăp sèng mpồl lơh broă sră pơ àr gơnoar ătbồ, broă lơh gơnoar ătbồ 2 kâp. Bal mờ hơ̆, kờñ pal lùp bơsram gùng dà bơtàu tơngguh tiah drà, ƀòn lơgar pa tŭ do tàm dunia nàng bơtơl, lơh tam gơl wơl, nàng ală jơnau lơh nền tàm pơrjum gơlòt mŭt ngan ngồn tàm rài kis, lơh geh jơnau sồr bơtàu tơngguh dà lơgar tàm tŭ tơngai pa.