Dơ̆ lòt còp ngan ngồn bơh Tổng Ƀí thư ồng Tô Lâm dê tus lơgar Kộng hoà Phần Lan gơcèng jơnau gơtha is ồn kwơmàng, jơh bal bè cíñ trị, lơh sa mờ lơh broă mờ lơgar ndai tơl làm.

Tàm tơngume dơ̆ lòt còp Tổng Ƀí thư ồng Tô Lâm rơ̆p pơrjum bơyai mờ tìp măt kâp dờng mờ ală đơng lam kâp dờng lơgar Phần Lan dê, tàm lùp bè pơlam gùng lơh broă bal tàm tơngai tus, sền gŏ dơ̆ kĭ hơ ală sră nggal lơh broă bal kwơmàng đah 2 gah tàm ală broă là broă tờm pa lơh pràn lơh broă bal ngan ngồn, geh cồng nha mờ kơnhăp jŏ; ờ mìng lơh jrô ơnàng rlau tai gĭt gơ̆p lơh bơyô ờs mờng bơh yau mờ gam lơh gơlik bơta pràn pa ai lơh broă bal 2 gah in, pơgồp bơnah lơh geh ngan ngồn bơta wèt sền bơtàu tơngguh tơlir, bơceh lơh mờ kơnhăp jŏ mờ 2 lơgar tam pà bal.