Tus bal Ràng tơlik geh: Tổng Ƀí thư ồng Tô Lâm; Thủ tướng Cíñ phủ ồng Phạm Minh Chính; Củ tịc Quốk hội ồng Trần Thanh Mẫn; ală kwang bàng đơng lam bồ, kwang đơng lam bồ Đảng, Dà lơgar lài do mờ ală cau năc bơh ală lơgar.

Đơs tàm sơn đờm Ràng tơlik, Thủ tướng Cíñ phủ ồng Phạm Minh Chính pin dờn là, tềng đăp mờ broă đơng lam bơh Đảng Kộng sản Việt Nam jăk chài, tơnguh bơhiàn 80 nam bơ̆t bơtàu, sền gàr mờ bơtàu tơnguh dà lơgar, jơh gùt mpồl lơh broă cíñ trị, ală kấp, ală gah lơh broă, ală càr, ƀòn dờng bal mờ gùt Làng bol he rơ̆p pơn jăt tai tơnguh nùs nhơm tam klăc bal, dùl nùs, dùl nhơm, lơh ngan lơh geh cồng nha 02 jơnau kờñ kwơ màng 100 nam mờ Đảng neh ai. Tàm dơ̆ pơrjum, Tổng Ƀí thư ồng Tô Lâm, Thủ tướng Cíñ phủ ồng Phạm Minh Chính bal mờ ală kwang đơng lam Đảng, Dà lơgar neh lơh jăt broă lơh ai ngui sơn đờm Ràng tơlik “80 nam tơngai Krơi is – Khăt gơboh – Gơboh gơbài” chờ gờm tơnkah 80 nam Sơn tờm lơgar Kộng hoà Sàh hội Củ nghĩa Việt Nam. Ràng tơlik pờ mpồng bơh 9 jơ drim tus 10 jơ mang, pờ sùm tàm ală ngai bơh ngai 29 nhai 8 tus jơh ngai 05 nhai 9.