Bơh tŭ broă lơh geh lam lơh ngai 1/7/2024 tus tŭ do, jơh gùt lơgar neh tơnggơs rlau 86 rơbô Mpồl sền gàr lơngăp lơngai, rơndăp tăp sèng bal mờ rlau 276 rơbô nă cau. Mpồl do neh yal ai Kwang àng sàh in rlau 141 rơbô jơnau yal, dong kờl bơsong rlau 90 rơbô broă, pơgồp bơnah gàr kơnhăp kơ̆ kơl jăp ù tiah.

Tàm dơ̆ tìp mat, Tổng Ƀí thư jờng rơ uă ngan cồng nha pal pơn jờng mờ mpồl do dê neh lơh geh, mơkung tam pà mờ ală bơta kal ke, bòl glar bơh mpồl dê lơh broă tơn tàm ƀòn lơgar. Tổng Ƀí thư đơs nền Đảng, Dà lơgar rơ̆p pơn jat tai lơh sir broă lơh, broă dong kờl nàng mpồl do in ngan ngồn gơ gơs “Biñ củng” kwơ màng tàm sền gàr lơngăp lơngai, rơndăp tăp sèng. Tàm tơngai tus, Tổng Ƀí thư sồr ală Ƀộ, gah broă, ală tiah lơh pràn mblàng yal, lơh geh bơta ring bal mpồl bơtiàn, sền gròi dong kờl bơt bơtàu mpồl ling kơnhăp pràn.