Ồng Thongloun Sisoulith chờ gờm mờ đơs ngan tềng đăp mờ broă đơng lam jăk chài, pràn kơl dang bơh Đảng Kộng sàn Việt Nam dê, tàm 95 nam do mờ tàm hơ̆ uă ngan là 80 nam bơ̆t bơtàu dà lơgar, lơgar Việt Nam neh lơh geh uă cồng nha dờng màng, pơnrơ ngan mờ tơl ală bơta bè tam gơl pa, kơl jăp cíñ trị, bơtàu tơnguh lơh sa mhar mờ kơl jăp, rề ơnàng bơta git gơ̆p mờ lơgar ndai, gơnoar broă bal mờ bơngă ală lơgar bơh lơgar Việt Nam dê sùm geh tơnguh uă tàm tiah do mờ tàm dunia; sền do là jơnau bơsram kwơ màng nàng lơgar Lào lơh ngan, bơtàu tơnguh mờ bơ̆t bơtàu dà lơgar.

Bàr kwang đơng lam bồ đơs pơn jăt tai tơnguh broă pơgồp bal nùs nhơm, rề ơnàng broă tơrgùm bal mờ ală lơgar, gàr niam lơngăp lơngai, drơng broă bơtàu tơnguh bal mờ bơta kwơ bơh làng bol bàr lơgar dê. Tàm bơta tờm ờs mờng kwơ màng, bàr lơgar rơ̆p tơnguh broă pơgồp bal tàm broă tơrgùm mờ ală lơgar, tài ring lơngai, kơl jăp, lơh broă bal mờ bơtàu tơnguh tàm tiah do mờ tàm dunia.