Dơ̆ tìp măt geh bơyai lơh di tơnkah 80 nam Kăc màng Nhai Phàm mờ Sơn tờm Dà lơgar ngai 2 nhai 9, nàng kah wơl bơhiàn rài lài do jăk chài, mờ ai tơngŏ nùs nhơm ưn ngài bơh Đảng, Dà lơgar gơwèt mờ ală rơnàng lài do dê.

Tổng Ƀí thư ồng Tô Lâm dờp mờ đơs niam ală broă pơgồp bal dờng màng bơh ală kwang bàng kăc màng lài do tàm broă tam lơh tơnklàs jơi bơtiàn mờ bơ̆t bơtàu Dà lơgar. Ồng kung yal bè bơta dà lơgar tŭ do , tam pà bal ală bơta ƀuơn, dơ̆ niam bal mờ ală kal ke, bơta lòng. Tổng Ƀí thư tơlik nùs nhơm kơ̆p kờñ ală kwang bàng pơn jăt tai tơnguh bơta ngăc ngar, broă lơh mờng chài, lơh broă bal mờ Đảng bal mờ Làng bol, pơgồp tàm broă bơ̆t bơtàu dà lơgar pas gơs, gơboh gơbài, kơ̆ kơl jăp tàm rài pa.