Tổng Ƀí thư ồng Tô Lâm tìp mờ cau tĕ khà ƀòn dờng Hà Nội
Thứ tư, 13:18, 01/10/2025
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Mho òr (30/09), tàm Broă lơh tìp mờ cau tĕ khà lài mờ Pơrjum dơ̆ 10, Quốk hội khoă XV, Tổng Ƀí thư ồng Tô Lâm neh tìp mờ cau tĕ khà ờ uă sàh tàm ƀòn dờng Hà Nội.
Tàm dơ̆ tìp, Tổng Ƀí thư yal mhar bè bơta tàm dà lơgar, tàm hơ̆ uă ngan là broă rơcang Pơrjum dờng dơ̆ XIV Đảng dê.
Tus tŭ do, pơrjum dờng Đảng ƀộ kấp hờ đơm mờ kấp hờ đang neh lơh gơs; ală đảng ƀộ gơwèt Dà lơgar kờp dŭ rơ̆p tơn jơh tàm nhai 10 nam 2025. Bè lơh sa mpồl bơtiàn, kờp dŭ nam do jơh 15 tàm 15 khà broă ndrờm lơh geh, tàm hơ̆ tă tàm kes priă di gơlan geh khà uă ngan mờ 2 tơlăk 500 tơmàn đong. Tổng Ƀí thư dờp broă pơgồp bal niam bơh ƀòn dờng Hà Nội dê tàm cồng nha bal bơh gùt lơgar, mờ đơs nền cồng nha neh lơh geh ai tơngŏ broă lơh ngan uă bơh gùt jơi bơtiàn dê. Ồng đơs nền, bơta kwơ màng ngan là dà lơgar gàr geh bơta niam, ring lơngai mờ bơtàu tơnguh kơl jăp.
Viết bình luận