Cau tĕ khà kơ̆p gơn dơ̆ tam gơl pa wơl rơndăp mpồl lơh broă rơ̆p ai geh bơnàng jă nàng ai dà lơgar mŭt tàm rài bơtàu tơnguh pa. Geh uă jơnau đơs jờng rơ broă Ƀộ Cíñ trị ai lơh jăt 7 jơnau lơh nền tàm pơrjum kwơ màng tàm nam 2025, bal mờ broă Quốk hội khoă XV mờr sền sơwì, ring bal uă jơnau rơcang cih adăt boh lam mờ jơnau lơh nền tàm pơrjum dờng.

Bè broă lơh gơnoar atbồ bàr kấp lơh bơh ngai 01 nhai 7 nam 2025, cau tĕ khà dờp geh uă cồng nha loh làng, tàm hơ̆ uă ngan là broă bơsong jơnau di jăt Jơnau lơh nền cíñ phủ dê 178 mờ 67. Ala măt Mpồl cau ala măt Quốk hội ƀòn dờng Hà Nội, Tổng Ƀí thư ồng Tô Lâm đơs nền ală jơnau đơs pơgồp bal ndrờm di pal ngan, geh Ƀộ Cíñ trị, Mpồl Đơng lam Đảng dà lơgar sùm sền gròi, sồr lơh mờ yal loh làng jơnau đơs pơn dŭt nàng kờñ mpồl lơh broă gơnoar atbồ ƀòn lơgar lơh broă geh cồng nha, rơhời lơh geh jơnau kờñ bơtàu tơnguh dê.