Tổng Ƀí thư ồng Tô Lâm tơlik nùs nhơm chờ hờp tìp wơl ồng Tony Blair, đơs niam ală lơh ngan bơh ồng Tony Blair dê tàm gơnoar broă Thủ tướng lơgar Anh lài do kung bè Củ tịc Anih kơlôi sơnơng Tony Blair dê tŭ do neh pơgồp bơnah lơh pràn gĭt gơ̆p đah Việt Nam mờ Anh. Tổng Ƀí thư ồng Tô Lâm đơs nền Việt Nam sền kwơmàng lơh pràn gĭt gơ̆p Tam klăc lơh broă bal jŏ jòng mờ lơgar Anh, tàm hơ̆ sền lơh broă bal bè tam gơl sồ, năng lượng lơh geh wơl, tam gơl pa bơceh lơh mờ ătbồ broă dà lơgar là ală broă tờm lơh broă bal kwơmàng, pơgồp bơnah ai gĭt gơ̆p 2 lơgar bơtàu tơngguh ngan ngồn, cồng nha mờ kơnhăp jŏ tàm rài pa.

Tổng Ƀí thư ồng Tô Lâm sồr Anih kơlôi sơnơng Tony Blair pơn jăt tai là kòn gùng lơh pràn lơh broă bal đah ală ƀộ, gah, mpồl lơh sa kă bro, anih kơlôi sơnơng mờ ală hìu bơsram đại họk 2 lơgar dê, is ồn tàm ală broă cíñ phủ sồ, lơh sa sồ, bơtàu tơngguh kơnhăp jŏ, năng lượng sàng goh, bơto bơtê mờ lơh sơnơm.