Tàm tơngume dơ̆ lòt còp, Tổng Ƀí thư ồng Tô Lâm neh geh dơ̆ pơrjum bơyai mờ Tổng Ƀí thư, Củ tịc lơgar Lào ồng Thongloun Sisoulith; tìp mat cribơyai broă mờ Thủ tướng ồng Sonexay Siphandone, Củ tịc Quôk hội ồng Saysomephone Phomvihane; còp ală kwang đơng lam bồ kâp dờng lơgar Lào lài do; tus bal dơ̆ tơngkah 50 nam Ngai sơn tờm dà lơgar; ơn guàng bơkàu tàm Anih kah kơlôi ală cau ling ờ git mat sơnđan; đơs bè broă lơh tàm Hìu bơsram kơlôi sơnơng cíñ trị mờ sră pơ àr gơnoar atbồ dà lơgar Lào; tus bal dơ̆ sơn đờm ai ngui Kông viên lơh bơyô bal Lào – Việt Nam mờ bàr pe broă lơh ndai; đơng lam bal dơ̆ tàm tìp kâp dờng đah Đảng Kộng sản Việt Nam mờ Đảng Làng bol Kac màng Lào.

Di dơ̆ lòt còp, bàr gah neh kĭ 2, 3 sră nggal lơh broă bal kuơmàng, lơh gơlik tơngume adat boh lam, pờ gơs ală gùng lơh broă bal pa, dipal mờ jơnau sồr bơtàu tơnguh bơh tơl lơgar dê mờ tài bơta kuơ bal bơh 2 jơi bơtiàn dê, pơn jat tai lơh niam rlau tai bơta git gơp kuơmàng is ồn Việt Nam – Lào tàm bơta pa.