Đơs tàm dơ̆ bơyai lơh, Tổng Ƀí thư đơs sùm: Bơta pràn sền gàr dà lơgar sàh hội củ nghĩa sơn đờm bơh làng bol, tài làng bol, kơnờm tàm làng bol; “Mpồl rơcang gàr làng bol, bơta kờñ gơboh dà lơgar làng bol dê” là bơnàng jă, là bơta kơp kơnờm kơ̆ ngan rlau jơh. 

Ala mat kwang đơng lam bồ Đảng, Dà lơgar jàu Gai lòng Sơmañ rơmit dơ̆ 5 pà Mpồl kwang àng làng bol in, Tổng Ƀí thư sồr jơh gùt mpồl kwang àng tơrgùm lam lơh 8 kơnòl broă, broă lơh tờm, tàm hơ̆ đơs sùm jơnau sồr jơh nùs dòn song mờ dà lơgar, mờ Đảng, mờ Làng bol mờ rài atbồ dà lơgar sàh hội củ nghĩa; kơ̆ dơn jat jơnau kờñ lơngăp lơngai is jơi bơtiàn gơ jat bal mờ củ nghĩa sàh hội. Tơl nă kwang bàng, cau ling kwang àng pal sùm git loh nùs nhơm “Làng bol là tờm”, ơn bơta kuơ dà lơgar, jơi bơtiàn, làng bol lài ngan rlau jơh, pơgồp bơnah gàr kơ̆ lơngap lơngai rơndap tap sèng, sền gàr rài kis ring lơngai.