Pơgap mờ do tòm 80 nam, ngai 15/10/1945, Củ tịc Hồ Chí Minh kĭ Kơrnuat crơng gơs 12 tiah tam lơh, tàm hơ̆ geh tiah tam lơh tiah 4 – là mpồl bơh chờm bơh Mpồl phàu crong Ling tiah 4 dê tŭ do. 

Đơs tàm dơ̆ bơyai lơh, Tổng Ƀí thư ồng Tô Lâm đơs sùm, lòt gan 80 nam bơt bơtàu, tam lơh mờ dờng pràn, mpồl phàu crong Ling tiah 4 neh lơh geh uă pha lin, pơgồp bơnah tàm jai pha bơh broă lơh tơngklàs jơi bơtiàn, bơt bơtàu mờ sền gàr dà lơgar. Tổng Ƀí thư sồr Ling tiah 4 pơn jat tai pơlam lơh jat uă bồ tơngoh ling klàng Hồ Chí Minh, gùng dà sền gàr dà lơgar jơh gùt làng bol bơh Đảng dê; sơlơ tơnguh tai broă lơh lam sồr làng bol, lơh kơ̆ kơnhăp bơta git gơp tam klac bal ling klàng – làng bol, pơgồp bơnah bơt bơtàu mpồl rơcang gàr tàm làng bol mờ mpồl tam klac dờng jơh gùt jơi bơtiàn kơ̆ kơnhăp.