Bơh 80 nam, gah do neh ai tơnggŏ gơnoar broă kuơmàng tàm broă gàr tơl kòi phe, sền gàr phan kuơ geh is, li la siñ họk mờ gàr kơ̆ broă lơh sa ai git nđờ jơt tơlak nă cau lơh broă sa in. Bơh bơta siơŭ siar, jơgloh tờ tơl sa, Việt Nam neh brồ guh gơ gơs là lơgar tac hờ lơgar ndai phan lơh gơs bơh suơn sre khà dùl dunia. Ala mat đơng lam Đảng, dà lơgar, Tổng Ƀí thư jàu Gai lòng Lơh broă khà dùl pà Ƀộ Broă lơh sa suơn sre mờ Tiah ơm kis in, jờng rơ ală cồng nha pơn rơ ngan, đơs nền, gah do là gah tờm bơh rài lơh sa mờ bơnàng jă bơtàu tơnguh kơnhăp kơ̆ dê. Tổng Ƀí thư sồr jơh gùt gah do pơn jat tai tam gơl bồ tơngoh kơlôi sơnơng, lơh broă kràñ cê rlau, gờñ tam gơl gơs adat boh lam ală jơnau lơh nền bơh Đảng dê bè broă lơh sa suơn sre, cau lơh broă sa, tiah ƀòn lơgar; atbồ phan kuơ geh is, sền gàr tiah ơm kis, rơcang lài drơng wơl mờ tam gơl nhơm trồ tiah, pơgồp bơnah lam lơh geh cồng nha Jơnau lơh nền tàm Pơrjum dờng dơ̆ 14 bơh Đảng dê.