Đơs tàm dơ̆ bơyai lơh, Tổng Ƀí thư ồng Tô Lâm đơs nền, tiah lơi geh broă lơh lùp sền, tàm hơ̆ geh duh rơngòt kơrnoat boh lam geh lơh, bơta pin dờn geh kơ̆ kơl jăp, adat boh lam geh sền dờng màng rlau jơh. Hơ̆ là bơta pơn yờ să bơh 80 nam kah yau - 80 nam đơs nền nùs nhơm khin cha, bồ tơngoh kơlôi sơnơng, bơta jơh nùs dòn song, jơh nùs duh broă bơh mpồl kwang bàng lùp sền dê gơwèt mờ Đảng, Dà lơgar mờ Làng bol.

Tổng Ƀí thư kung đơs sùm, lùp sền tŭ do ờ mìng là phan ngui sền gĭt lơh tìs lơm, mờ gam là broă bơceh lơh lơh geh bơta song dơ pă, sơlơ tơnguh bơta tam gơl pa, sền gàr bơta kơ̆ kơl jăp mờ bơta pin dờn mpồl bơtiàn. Mờ bơta sền sơnơng hơ̆, Tổng Ƀí thư đơs là, gah Lùp sền pal pơn jat tai tam gơl pa tơl làm, pa ngan pràn kơl dang, pơgồp bal mờ broă lơh lùp sền mờ jơnau kờñ bơtàu tơnguh, ơn làng bol tàm bơta tờm bơh tơl broă lơh dê, wèt tus bơt bơtàu dùl rài sră pơ àr gơnoar atbồ song dơ pă, geh cồng nha, tài làng bol, drơng broă làng bol.