Ala mat đơng lam bồ Đảng, Dà lơgar jàu Sơlòng lơh broă khà 1 pà Ƀộ Cribơyai broă mờ lơgar ndai in, Tổng Ƀí thư ồng Tô Lâm gờm chờ ală cồng nha lơh geh, tă pơgồp jak ngan bơh gah cribơyai broă mờ lơgar ndai dê, mơkung đơs loh, geh tơlik mat dùl tŭ bal mờ gah sền gàr Dà lơgar mờ sền gàr lơngăp lơngai, Đảng mờ Wa Hồ sền dờng màng ngan gơnoar tờm ngan bơh cribơyai broă mờ lơgar ndai dê.

Tổng Ƀí thư ồng Tô Lâm sồr, tàm tơngai tus jơh gùt Gah lơh broă cribơyai broă mờ lơgar ndai pal bơt bơtàu broă cribơyai broă mờ lơgar ndai tơl làm, pa ngan, lơh broă ờs mờng, cèng bềng bơhiàn niam chài Việt Nam; tơl làm tàm jơh 3 bơta tờm: Lơh broă mờ lơgar ndai Đảng- Cribơyai broă mờ lơgar ndai Dà lơgar- Lơh broă mờ lơgar ndai Làng bol, pơgồp bal niam mờ sền gàr Dà lơgar, sền gàr lơngăp lơngai, lơh sa, jak chài măi mok, niam chài, yal tơngĭt jơnau lơh broă mờ lơgar ndai.