Jơnau yal cíñ trị đơs loh, tơngai lơh broă lài, Anih duh broă đơng lam Đảng mờ Anih duh broă đơng lam Đảng ală kâp neh pơlam lơh jat Jơnau lơh nền tàm Pơrjum dờng dơ̆ 13, ală jơnau lơh nền tàm pơrjum, jơnau đơs pơn dut bơh Đảng dà lơgar mờ pơrjum dờng Đảng ƀộ ală kâp dê. Is ồn, bơh quý 4 nam 2024, Ƀộ Cíñ trị, Ƀan Ƀí thư bơh Tổng Ƀí thư ồng Tô Lâm lam bồ neh di tŭ đơng lam, sồr lơh uă kơnòl broă kuơmàng, cèng bơta jŏ jòng, tam gơl pràn, geh gơtha kah yau.

Đơs sồr lơh, Tổng Ƀí thư sồr Pơrjum dờng tơrgùm cribơyai, sền sơ wì tơl làm jơnau sồr, kơnòl broă tàm tŭ tơngai pa. Tổng Ƀí thư đơs sùm, tơngai lơh broă tus, mpồl lơh broă đảng mờ đảng viên tàm Đảng ƀộ ală anih lơh broă Đảng dà lơgar pal ngan ngồn lơh krơh lài, kơ̆ dơn, lam lài tàm tơl broă, gàr niam bơta đơng lam bơh Đảng dê tàm jơh ală gah rài kis mpồl bơtiàn, pơgồp bơnah lam lơh ngan ngồn jơnau kờñ bơtàu tơnguh dà lơgar mhar, kơ̆ kơljap sùm.