Wă Tổng Ƀí thư ồng Tô Lâm bal mờ mpồl kwang bàng kấp dờng lơgar he dê tàm ƀlàng rơndeh par geh Kwang lam bồ Mpồl Ală lơgar- Mpồl Duh broă Đảng lơh  broă Dà lơgar Triều Tiên Kim Song Nam, Thứ trưởng Ƀộ Cribơyai broă mờ lơgar ndai lơgar Triều Tiên Im Chon In, Kwang lam bồ anih lơh broă ala mat lơgar Việt Nam tàm lơgar Triều Tiên ồng Lê Bá Vinh bal mờ ala mat kwang bàng, cau lơh broă tàm Anih lơh broă ala mat lơgar Việt Nam tàm lơgar Triều Tiên.

Dơ̆ lòt lơh broă bơh Tổng Ƀí thư ồng Tô Lâm dê pơn jat tai đơs nền, gùng dà broă lơh lơh broă mờ lơgar ndai, lơngăp lơngai is, lơh tờm is, lơh broă mờ uă lơgar, jơh nùs mut gơ rờm bal mờ ală lơgar jrô ơnàng làm uă, tơl làm mờ geh cồng nha bơh Pơrjum dờng Đảng gùt lơgar dơ̆ 13, Jơnau lơh nền tàm pơrjum sồ 34 bơh Ƀộ Cíñ trị dê bè bàr pe gùng dà pơlam lam lơh gùng dà broă lơh lơh broă mờ lơgar ndai mờ Jơnau đơs pơndŭt bơh Ƀộ Cíñ trị dê bè bàr pe kơnòl broă, broă lơh dờng lam lơh gùng dà broă lơh lơh broă mờ lơgar ndai tàm Pơrjum dờng 13, Jơnau lơh nền tàm pơrjum sồ 57 bơh Ƀộ Cíñ trị dê bè tam gơl pràn bơtàu tơnguh Jak chài- măi mok, tam gơl pa bơceh lơh, tam gơl sồ Dà lơgar, Jơnau lơh nền tàm pơrjum sồ 59 bơh Ƀộ Cíñ trị dê bè mut gơ rờm bal mờ ală lơgar tàm bơta pa.