Tàm dơ̆ wă, Tổng Ƀí thư ồng Tô Lâm jờng rơ ngan ală bơtàu tơngguh tàm gĭt gơ̆p bàr lơgar tàm tơl broă, mờ uă cồng nha niam ngan, tàm bơta bàr lơgar gam geh uă broă lơh geh kwơ ngan ngồn nàng tơngkah kir sơnrai 30 nam lơh gĭt gơ̆p cribơyai broă mờ lơgar ndai mờ 2 nam gĭt gơ̆p tam klăc lơh broă bal jŏ jòng tơl làm. Đơs sùm nam 2025 là nam geh gơtha kwơmàng, tơngkah kir sơnrai 30 nam lơh gĭt gơ̆p cribơyai broă mờ lơgar ndai Việt Nam mờ Mỹ, Tổng Ƀí thư ồng Tô Lâm sồr 2 đah pơn jăt tai pơgồp bal lam lơh geh cồng nha broă lơh cribơyai tàm pơrjum, sơlơ tơngguh tai ală dơ̆ lòt còp bal mờ gơ̆p tàm ală kâp, chồl tơngguh bal ring lơngai, kơ̆ kơnhăp, lơh broă bal mờ bơtàu tơngguh tàm kơnhoàl ù tiah do mờ tàm dunia.

Tổng Ƀí thư ồng Tô Lâm cih dờp ală lơh ngan bơh ồng Knapper dê mờ jơh ală kwang bàng, cau lơh broă tàm Anih lơh broă ala măt lơgar Mỹ tàm chồl tơngguh, lam lơh jăt geh cồng nha ală jơnau cribơyai ring bal kâp dờng mờ tơnggume lơh broă bal tàm tơnggume gĭt gơ̆p Tam klăc lơh broă bal Jŏ jòng tơl làm Việt Nam mờ Mỹ tàm tơl broă bè cíñ trị- lơh broă mờ lơgar ndai, lơh sa – kă bro phan – bơcri priă, sền gàr dà lơgar – lơngăp lơngai, lơh broă bal dong kờl kòn bơnus mờ bơsong jơnau gơlời wơl bơh tam lơh ală lơgar dê.