Tàm dơ̆ wă, Tổng Ƀí thư ồng Tô Lâm đơs nền lơgar Slovakia sùm là cau bơyô jơh nùs, rềp mềr bơh lơgar Việt Nam dê; ưn ngài Cíñ phủ mờ làng bol lơgar Slovakia neh sùm kờñ, tam klăc bal mờ làng bol Việt Nam tàm sùm 75 nam do. Tổng Ƀí thư ồng Tô Lâm sồr 2 gah lơh pràn rlau tai lơh broă bal tàm gah lơh sa mờ măi mok sền gàr Dà lơgar, bơto bơtê ling geh griăt, sền gàr ring lơngai...

Tổng Ƀí thư ồng Tô Lâm sồr 2 gah gàr niam tàm pơgơl mpồl kwang bàng ală kấp; mơkung sơlơ tơnguh tai lơh jat geh cồng nha ală broă lơh tàm lùp lăp bal mờ lơh broă bal gam geh tŭ do nàng kờñ sơlơ tơnguh tai bơta gĭt gơ̆p đah 2 gah bơtàu tơnguh ngan ngồn, tơl làm mờ kơnhăp jŏ; mơkung lơh geh ală bơta ƀuơn nàng ală ƀộ, gah broă mờ mpồl lơh sa kă bro 2 lơgar tàm tơrbŏ bal, pờ ơnàng lơh broă bal ai lơh sa mờ jak chài măi mok gơ gơs bơta tờm tàm bơta gĭt gơ̆p đah 2 gah dê, chồl pràn rlau tai lơh broă bal niam chài, bơto bơtê, lòt nhơl mờ tìp mat lơh kwèng làng bol.