Đơs tàm dơ̆ bơyai lơh, Kwang atbồ anih lơh broă ala mat lơgar Việt Nam tàm lơgar Nhờk ồng Phạm Quang Hiệu đơs sùm bơta tă pơgồp dờng màng bơh ală ƀộ, gah broă mờ bơta kwơ màng bơh bơta pơgồp bal đah Cribơyai broă mờ lơgar ndai mờ ală gah broă ndai tàm broă lơh bơtàu tơnguh Dà lơgar.

Tàm dơ̆ bơyai lơh, ala mat ală Ƀộ, gah broă hơ rơ̆p pơn jat tai pơnđơl pràn lơh ngan, pơgồp bal niam mờ ală anih lơh broă ala mat cribơyai broă mờ lơgar ndai tàm ală tiah, lơh geh cồng nha kơnòl broă cíñ trị bơh tơl anih lơh broă, tă pơgồp ai bơta bơtàu tơnguh bơh lơgar Việt Nam, Nhờk mờ bơta gĭt gơ̆p 2 lơgar dê. Geh gĭt, kwang atbồ anih lơh broă ala mat lơgar Việt Nam tàm lơgar Nhờk rơ̆p pơn jat tai bơyai lơh uă broă lơh lời ai ală cau lơh broă lơgar Nhờk, mpồl bơtiàn cau Việt Nam tàm lơgar Nhờk, wèt tus 80 nam Kăc màng Nhai 8 lơh geh cồng nha mờ Dơ̆ Sơntờm Dà lơgar 02/09.