Tơrlah dờng ngan tàm kuèl Gia Bắc, gùng dà lơgar 28 gơtìp kơryan ờ ai lòt rê jơh 2 gah
Thứ năm, 11:08, 04/12/2025
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho – Mang ngai 03/12, mìu sơr jŏ jòng uă jơ neh lơh gơbàn uă bă tơrlah dờng ngan tàm kuèl Gia Bắc, gơ wèt Gùng dà lơgar 28, gơl lòt gan sàh Sơn Điền, càr Lâm Đồng.
Tơnơ̆ tŭ gơlik geh tơrlah, mpồl lơh broă geh gơnoar neh kơryan tiah tơrlah, ờ ai jơh ală rơndeh rơndồ lòt rê jơh bal 2 gah nàng gàr niam ờdo ờdă. Jat cih dờp ai gŏ geh 5 bă nchùn ù, tàm hơ̆ geh dùl bă geh khà ù lŭ uă ngan bơh taluy hơđang gơ dùh tàm gùng, bồr jơh bơnàng gùng. Anih duh broă Làng bol sàh Sơn Điền gam pơgồp bal mờ Kảñ sát gùng lòt Kwang àng càr Lâm Đồng ơm gak ngai mang nàng tam pà gùng, pơlam rơndeh rơndồ tơr wơl bồ, ờ lòt tàm tiah ngòt rơngơt. Mpồl atbồ gùng ù gờl kung gam ai cau lơh broă, măi mok tus tàm tiah tơrlah nàng kờñ lơh niam wơl gùng lòt, mhar ai rơndeh rơndồ in lòt rê bè ờs wơl.
Viết bình luận