Tàm dơ̆ tìp mat, 2 nă kwang đơng lam bồ ring bal sền gròi sơlơ tơnguh tai bơta gĭt gơ̆p Tam klăc lơh broă bal kwơ màng tơl làm tài ring lơngai, lơh broă bal mờ bơtàu tơnguh kơnhăp jŏ đah Việt Nam mờ Mỹ ngai sơlơ jrô ơnàng làm uă rlau, ngan ngồn mờ geh cồng nha, tàm hơ̆ geh broă gờñ kĭ Jơnau kĭ hơ kă bro phan 2 gah đah Việt Nam mờ Mỹ jat gùng dà ring bal, ndờm bal, sơlơ tơnguh tai bơcri priă bơh lơgar Mỹ dê tàm lơgar Việt Nam.

Jat jơnau đơs bơh Thủ tướng Cíñ phủ ồng Phạm Minh Chính dê, Kwang atbồ lơgar Mỹ ồng Donald Trump hơ wơl jơh nùs mờ cih dờp jơnau sồr dờp lơgar Việt Nam là rài lơh sa drà kă bro, ai Việt Nam lik bơh sră cih mat tăc phan mờ lơgar ndai kwơ màng jat tŭ tơngai, mơkung sồr ală kwang bàng kấp dờng lơgar Mỹ bè Ƀộ trưởng Ƀộ Priă jền, Ala mat Kă bro phan gam geh mat tàm Pơrjum gờñ hơ wơl bè ală broă do ai lơgar Việt Nam in.