Bàr gah tơngŏ bơta chờ hờp tềng đăp ală bơta bơtàu tơnguh niam ngan tàm bơta gĭt gơ̆p lơh bơyô bal ờs  mờng mờ tam klăc lơh broă bal kwơ màng tơl làm Việt Nam mờ Nga tàm tơngai pa do. Củ tịc Quôk hội ồng Trần Thanh Mẫn sồr Đuma Dà lơgar Nga pơn jat tai pơgồp bal niam mờ Quôk hội Việt Nam, tam pà bal mờng chài bơt bơtàu “Quôk hội ngăc ngar”, dong kờl lơh sir tơngume adat boh lam mờ tă bơsong kòl yan ai ală rơndăp broă lơh lơh broă bal.

Bàr gah ring bal sơlơ tơnguh tai lơh broă bal lơh sa, kă bro phan, bơcri priă, năng lượng, jak chài – măi mok, bơto bơtê mờ bơsram, niam chài mờ tìp mat lơh kwèng làng bol. Củ tịc Đuma Dà lơgar Nga ồng  Vyacheslav Volodin đơs nền Đuma Nga crăp rcang rề ơnàng ală broă lơh lơh broă bal pa, dong kờl bơto bơtê ală gah broă Nga geh bơta pràn, mơkung pơn jờng bơto bơtê dà đơs Việt Nam tàm lơgar Nga mờ dà đơs Nga tàm lơgar Việt Nam, pơgồp bơnah lơh kơ̆ kơl jăp bơta gĭt gơ̆p lơh broă bal tơl làm.