VOV4.K’Ho- Drim òr (31/01), 10 kơnhoàl, ƀòn dờng tàm càr Kon Tum neh lik bơyai lơh bơ̆t bơtàu ƀòn lơgar pa mờ ƀòn drà gơguh jăk bồ nam pa Quý Mão 2023.

VOV4.K’Ho- Tàm kơnhoàl Lạc Dương, càr Lâm Đồng, tiah geh uă ngan làng bol ơm kis là làng bol kòn cau K’Ho, làng bol kung gam hời rơ hời gĭt ngui, lơh jat tam gơl sồ tàm broă lơh sa suơn sre, lơh geh ală phan bơna OCOP mùl gŏ ngan nàng tơnguh uă cồng nha lơh sa.

VOV4.K'Ho - Lam lơh broă lơh jơnau kờñ dà lơgar bè bơt bơtàu ƀòn lơgar pa, muh mat ală ƀòn tàm càr Dăk Lăk neh geh ală tam gơl niam. Gơtùi geh bơta do bal mờ bơta bơcri priă bơh Đảng mờ Dà lơgar dê, gam pal đơs tus bơta tam klac bal, dùl nùs bal bơh làng bol dê neh tus bal, at tê bal mờ gơnoar atbồ.

VOV4.K’Ho- Tàm kơnhoàl Cư Jŭt, càr Dăk Nông, bàr pe nam do, uă hìu bơnhă làng bol bulah lơh sa ờ gơwèt hìu bơnhă pas gơs mơya kung pà is rlau 1 rơbô thơk vuông ù kờp priă gĭt nđờ tơmàn đong nàng lơh gùng lòt.

VOV4.K’Ho- Dờp bal broă lơh “gùt lơgar tus bal tài cau rơƀah-ờ lời cau lơi gơtìp sơbì is hờ tơnơ̆” geh Thủ tướng Cíñ phủ lam sồr, Mpồl đơng lam ling sền gàr tiah nhàr dà lơgar càr Dăk Lăk pơgồp bal mờ ală anih lơh broă geh gơnoar bơyai lơh broă “Nam pa tiah nhàr dà lơgar ram nùs làng bol ƀòn lơgar” nam 2023 tàm xã Ia Rvê, kơnhoàl Ea Súp.

VOV4.K’Ho- Bơh rlau 10 nam lam lơh, Broă lơh Jơnau kờñ dà lơgar bơ̆t bơtàu ƀòn lơgar pa geh đơs là neh lơh geh cồng nha “dờng ngan, tơl làm mờ geh bơta kah yau”. Muh mat ƀòn lơgar ngai sơlơ niam ngan, bơta ƀươn kwơ mpồl bơtiàn geh sơlơ tơnguh tai, priă lơh geh bơh làng bol dê gơguh sùm.

VOV4.K’Ho- Tàm gơl gùng nhàr dà lơgar jòng rơlao 292 kơi sồ rềp bal mờ lơgar Lào, Campuchia bơh càr Kon Tum dê, mờ broă lơh ngan ờ ơm bơh gơnoar atbồ, làng bol bal mờ kwang bàng, cau ling sền gàr tiah nhàr dà lơgar, tus jơh nam 2022 neh geh 6 tàm 13 xã tiah nhàr dà lơgar càr dê geh khà ƀòn lơgar pa.

VOV4.K'Ho - Tàm rài tam lơh dră wơl bol sò tơm Mỹ, xã Hà Đông, kơnhoàl Đăk Đoa, càr Gia Lai là tiah pôs đồng kac màng. Ngui niam bơhiàn khin cha jak chài, làng bol xã Hà Đông pơn jat tai brồ guh bơt bơtàu ƀòn lơgar ngai sơlơ bơtàu tơnguh.

VOV4.K’Ho- Lồi nhai 10 nam 2022 pa do, di dơ̆ tơngkah kir sơnrai 35 nam crơng gơs kơnhoàl Lâm Hà, Ủy ƀan Ñân zân càr Lâm Đồng neh bơyai lơh dơ̆ yal kơrnoat dờp Kơnhoàl tơl khà ƀòn lơgar pa, dờp Huân chương Lơh broă khà 3 ai kơnhoàl do in. Cồng nha do tơngŏ bơta sền gròi bơh Đảng, Dà lơgar bal mờ nùs nhơm tam klăc ală rơnàng làng bol dê.

VOV4.K'Ho- Wă rò nam pa 2023 do, xã tiah nhàr dà lơgar Ia Mơr, kơnhoàl Chư Prông, càr Gia Lai neh geh tam gơl muh măt pa mờ broă lơh gùng lòt, ồs đèng, hìu bơsram, hìu sơnơm geh bơcri priă lơh gơs, ngai sơlơ niam bơnĕ rơlao.