VOV4.K’Ho- Đảng viên Y Phen Niê, kòn cau Mnông, 37 sơnam, kis tàm ƀòn Kuốp, xã Dray Sáp, kơnhoàl Krông Nô, càr Dăk Lăk. Uă nam do, bal mờ broă lơh gơs jăk chài gơnoar broă Củ tịc Mpồl Cau lơh broă sa xã Dray Sáp, Y Phen Niê gam sùm lam lài tàm ală broă bơtàu tơnguh lơh sa, tơn jơh jơgloh tơmù rơƀah mờ pơgồp bal tàm broă bơ̆t bơtàu ƀòn lơgar pa tàm xã dê. Mờ ală cồng nha neh lơh geh tàm ală broă lơh, 5 nam tơn bi geh Mpồl Cau lơh broă sa càr Dăk Lăk jờng rơ là cau tàm mpồl cau lơh broă sa jăk.

VOV4.K’Ho- Bau gờñ mờ bau mờ cau jơi nòi rềp bal kung gam geh sơl tàm bàr pe tiah làng bol jơi bơtiàn dồ ết nă cau tàm càr Dăk Lăk dê. Ală nam do, bulah gơnoar atbồ mờ ală ƀan, ngàñ geh gơrềng neh pơnđơl pràn lơh ngan mblàng yal nàng tơrmù ƀà, kơryan mơya tus tŭ do bơta geh ngan do kung gam gơlik geh gơlam tus uă bơta aniai. Lơh jat Rơndăp broă lơh “Tơrmù ƀà uă ngan bơta bau gờn mờ bau mờ cau jơi nòi rềp bal tàm tiah làng bol jơi bơtiàn dồ ết nă cau”, pa do, Mpồl lơh broă Jơi bơtiàn càr Dăk Lăk neh pơgồp bal mờ Ủy ƀan Ñân zân ală tiah sơlơ tơnguh broă mblàng yal nàng tơrmù ƀà bơta bau gờñ.

VOV4.K’Ho- Mờ tơngume “Brê bơnơm dờng ơning ơnàng Tây Nguyên– Bơta niam chài tơrgùm bal”, bơh ngai 29/11 tus ngai 01/12 tàm ƀòn dờng Kon Tum, càr Kon Tum geh bơyai lơh Ngai chờ Niam chài, Tàp pràn să jan mờ Lòt nhơl ală jơi bơtiàn dồ ết nă cau dơ̆ 1 nam 2023. Dùl ròt ală broă lơh niam chài cèng bềng bơhiàn niam chài niam bơnĕ ngan bơh ù tiah Tây Nguyên kah yau dê neh jờng rơ ală bơta kwơ niam chài bơh yau niam bơnĕ ngan bơh ală jơi bơtiàn tàm tiah Tây Nguyên dê, mơkung yal tơngĭt, hòi jà lòt nhơl.

VOV4.K’Ho- Kơnờm priă càn bơh Ngân hàng Nông nghiệp mờ Phát triển Nông thôn càr Dăk Nông dê mờ uă hìu bơnhă kòn cau M’nông geh ală bơta nàng bơcri priă lơh sa, hời rơ hời brồ guh lik klàs rƀah. Làng bol geh dong kờl càn priă di mờ tơngai lơh broă den tàng ờ gam càn priă sa priă cồng uă bè lài do tai.

VOV4.K’Ho- Pa do, tàm ƀòn dờng Pleiku, Tỉñ ủy càr Gia Lai, Họk viện Cíñ trị Dà lơgar Hồ Chí Minh neh bơyai lơh cribơyai jak chài bơtàu tơnguh kơ̆ kơl jăp lòt nhơl niam chài mờ lòt nhơl tiah niam brê bơnơm kơ̆ kơl jăp tàm tiah Tây Nguyên tàm tơngai bè tŭ do. Tàm do, 50 jơnau cih đơs bơh ală cau jak chài, cau atbồ, mpồl lơh sa kă bro lòt nhơl neh geh ală tă pơgồp geh kwơ bè kơlôi sơnơng mờ bơta geh ngan bè lòt nhơl Tây Nguyên.

VOV4.K’Ho- Lơh jat broă jàu sồ 4 bè gùng che ồs đèng tàm broă bơt bơtàu ƀòn lơgar pa, ală nam pa do, Kông ty Ồs đèng càr Dăk Lăk neh tơrgùm lơh uă ală gùng che ồs đèng mờ tơnguh uă bơta niam drơng broă pờ đèng nàng kờñ lơh geh jơnau kờñ bơtàu tơnguh lơh sa mờ ngui tàm rài kis pah ngai bơh làng bol dê.

VOV4.K’Ho- Broă lơh jơnau kờñ Dà lơgar bè bơt bơtàu ƀòn lơgar pa tàm kơnhoàl càr Lâm Đồng dê ngai sơlơ geh bơta gơrề uă jrô ơnàng, mờ uă broă lơh bơceh lơh mờ geh ngan. Dùl tàm khà hơ̆ là srơh “Ngai dơ̆ 7 bơt bơtàu ƀòn lơgar pa” tàm kơnhoàl Di Linh. Pah dơ̆ tus ngai do, làng bol jơh gùt ƀòn rềp ngài tàm kơnhoàl tam klăc bal wơl, sơm bat tê bal bơt bơtàu ƀòn lơgar mờ ală broă lơh geh ngan.

VOV4.K’Ho- Ồng Y Tuyên Buôn Krông (kòn cau Rơđê, sùm hòi là bèp Hà) là dùl nă Đảng viên lơh krơh niam tàm ƀòn Drai H’Ling, xã Hòa Xuân, ƀòn dờng Buôn Ma Thuột, càr Dăk Lăk dê. Mờ 30 nam lơh broă lơh mpồl bơtiàn tàm ƀòn lơgar, ồng geh làng bol tàm ƀòn kờñ gơboh mờ lơh jat bal. Rlau mờ hơ̆ tai, mờ gơnoar broă là Phó Ƀí thư Ci ƀộ, mơkung là Kwang atbồ ƀòn mờ là cau geh bơngă pin dờn, ồng neh pơgồp bơnah kwơ màng tàm broă lơh bơt bơtàu ƀòn lơgar pa tàm ƀòn dê.

VOV4.K’Ho- Càr Dăk Lăk tŭ do geh mờr 2 rơbô 300 nă kơnòm dềt kòn đời, tàm hơ̆ uă kơnòm dềt geh rài kis kal ke ngan. Bơh broă lơh “Mè ròng” bơh Mpồl tam klăc cau ùr dà lơgar Việt Nam dê lam lơh, uă kơnòm dềt kòn đời, ờ geh tiah kơldìng tàm càr Dăk Lăk neh dờp geh bơta dong kờl, ròng siam jơh bal bè phan bơna mờ nùs nhơm. Do ngan là ală “anih kơldìng kờñ gơboh” dong ală kơnòm dềt in sơr lèt gan ală bơta roh rui, brồ guh tàm rài kis.

VOV4.K’Ho- Rlau 10 nam geh pồ lơh kra ƀòn, ồng Siu Bình, ơm tàm ƀòn Sơn, xã Ia Nan, kơnhoàl Đức Cơ, càr Gia Lai neh ngềt ngơ̆t tă pơgồp ai bơta tam gơl pa bơh ƀòn lơgar tiah nhàr lơgar do dê mờ bơh tàm ală broă lơh ngan ngồn mờ geh ngan. Bơsram mờ lơh jat jơnau sồr Wa Hồ dê, sùm jơh nùs mờ broă lơh, đơs lòt bal mờ lơh, lơh krơh niam tàm tơl broă lơh tài rài kis hờm ram bơh làng bol dê, tơl broă lơh ƀuơn ngan bơh kra ƀòn Siu Bình dê neh pơgồp bơnah bơt bơtàu ƀòn Sơn pas gơs bè tŭ do.