VOV4.K’ho - Kòp sốt xuất huyết gam gơtìp pràn tàm kơnhoàl tiah nhàr dà lơgar Ea Súp, càr Dăk Lăk tŭ khà cau gơtìp kòp pal mŭt piam kòp tàm hìu sơnơm ngai sơlơ gơguh.

                  Dùl nă cau kòp sốt xuất huyết gam sơm kòp tàm hìu sơnơm kơnhoàl Ea Súp

Jăt khà kờp bơh hìu sơnơm kơnhoàl Ea Súp dê, bŭ lah ờ hềt mŭt tàm kàl mìu ngan, mơya gùt kơnhoàl neh gŏ 117 nă cau gơtìp sốt xuất huyết, gơguh 115 nă pơn drờm mờ tŭ do nam 2021. Neh geh 113 nă cau pal mŭt piam tàm hìu sơnơm. Kờp sốt xuất huyết gam gơtờp uă tàm xã Cư̆ Mlan mờ thị trấn Ea Súp mờ 24 ƀòn, mpồl ƀòn gơtìp ală cau kòp. Ƀák sĩ Kiều Thị Thanh Hà, lơh broă tàm hìu sơnơm kơnhoàl Ea Súp pà git, hìu sơnơm do neh lơh tơl 12 mpồl tam dră mờ kòp ndrờm nàng sền, bơsong di tŭ ală tiah gơtìp kòp. Mờ lơh jăt jơnau bơto sồr làng bol ală broă gơsơ̆t kih dà, rơcang sơndră mờ kòp sốt xuất huyết tềng đăp mờ bơta gơtờp uă tàm kàl mìu.

Cau mblàng Ndong Brawl