VOV4.K’ho- Bơh bồ nam tus tŭ do, càr Dăk Lăk neh git gŏ 710 nă cau gơbàn kòp sốt xuất huyết bal mờ 20 tiah geh kòp. Ală gah broă lơh geh gơnoar gam mhar lam lơh ală broă lơh nàng kơryan bơta bơtờp uă bơh kòp sốt xuất huyết dê.

Kwang bàng lơh sơnơm pơlam làng bol gơ sơt kih dà

Tàm kờp jơh 710 nă cau kòp sốt xuất huyết, mìng is bơh bồ nhai 6 tus tŭ do neh git gŏ 388 nă. Kòp sốt xuất huyết geh tàm jơh 15 kơnhoàl, thị xã, ƀòn dờng, tàm hơ̆, kơnhoàl Ea Súp geh khà cau gơbàn kòp sốt xuất huyết uă ngan rlau jơh bal mờ 195 nă. Mìng is tàm poh lài, khà cau kòp sốt xuất huyết gơguh uă mhar ngan tàm càr, gơguh tus 63% pơndrờm mờ bal dùl tŭ nam lài. Đơs lài tàm tơngai tus, khà cau kòp sốt xuất huyết digơlan gơguh uă dilah làng bol ờ tơnguh jơnau git wă rơcang sơndră kòp.

Cau mblàng K’Duẩn