VOV4.K’ho- Ƀák sĩ Hoàng Hải Phúc, Phó Kwang atbồ Drơng broă Anih tờm gròi sền kòp tê jê să càr Dăk Lăk pà gĭt, broă lơh rcang sơndră kòp sốt xuất huyết tàm ù tiah càr Dăk Lăk gơtìp uă ngan kal ke tài bơh ờ tơl dà sơnơm ƀồm tàm ală tiah kòp. Tàm poh lài, càr Dăk Lăk pơn jat tai geh 8 tiah kòp tàm kơnhoàl Lăk, tơnguh ală tiah kòp tàm càr dê gơguh rlau 40 tiah, mờ rlau 1 rơbô nă cau bơtờp kòp sốt xuất huyết.

Jat ồng Hoàng Hải Phúc, Phó Kwang atbồ drơng broă Anih tờm gròi sền kòp tê jê să càr Dăk Lăk yal, mờ ală tiah kòp pa geh pal geh dùl khà uă ngan dà sơnơm nàng ƀồm lơh kloh khuẩn tiah ơm kis. Mơya, tŭ do mpồl lơh broă neh ờ gam dà sơnơm tai, Viện Vệ siñ zịc tễ Tây Nguyên mờ Sở Y tế càr kung mìng pà dà sơnơm rah rài dùl ết lơm, ờ tơl nàng ƀồm tàm uă tiah tiah kòp. Kung jat ồng Hoàng Hải Phúc, nàng kơryan bơta pơhin bơtờp uă kòp sốt xuất huyết tàm tơngai dà sơnơm gam ờ tơl, gah lơh sơnơm kờñ ngan geh bal bơta mut lơh bal bơh ală mpồl cau mờ gơnoar atbồ ală tiah dê, ngan là bơta gĭt wă bơh làng bol dê tàm broă lam lơh ală broă lơh pơs wàs tiah ơm kis, gơ sơ̆t kih dà.

Cau mblàng K’Hạnh