VOV4.K’ho- Ngai 26/4, càr Gia Lai lam lơh cit sơnơm vaccine kòp Kovid-19 dơ̆ 1 ai 39 rbô 400 nă kơnòm dềt bơh 5 tus hơ đơm 12 sơnam in.

Jat Anih tờm gròi sền kòp tê jê să càr Gia Lai yal, jơnau đơs bơh dơ̆ cit sơnơm vaccine do dê là cit mờ khà mhar, gàr niam cồng nha mờ ờdo ờdă ngan rlau jơh ai kơnòm dềt in. Bè hơ̆ den tàng ală tiah hòi jà gal ngan mpồl kwang bàng lơh sơnơm, măi mok, phan bơna nàng drơng lài ai broă cit sơnơm vaccine in; ală anih lơh sơnơm, 2, 3 hìu bơsram geh ai lơh anih cit. Tơnơ̆ ƀòn dờng Pleiku, bơh ngai 28/4 tus lài mờ ngai 08/5, broă cit sơnơm vaccine kòp Kovid-19 ai kơnòm dềt bơh 5 tus hơ đơm 12 sơnam in geh lơh tàm 4 tiah ndai là kơnhoàl Chư Sê, kơnhoàl Đăk Đoa, thị xã Ayun Pa mờ thị xã An Khê.

Cau mblàng K’Duẩn