VOV4.K’ho - Tàm càr Kon Tum ală nhai lài, khà cau gơtìp F0 pal sơm kòp tơrgùm bal tus git nđờ rơhiang nă cau, den tus ală ngai bồ nhai 4 do neh gơmù uă ngan. Jơnau yal bơh Sở Y tế càr Kon Tum pà gŏ, tŭ do tàm gùt càr do mìng geh 65 nă cau F0 gam pal sơm kòp tơrgùm bal tàm ală hìu sơnơm.

Hìu sơnơm xã Ia Chim, ƀòn dờng Kon Tum bơto pơlam làng bol tơnơ̆ mờ tŭ neh cit sơnơm vaccine rơcang sơndră mờ kòp kovid-19

Bal mờ hơ̆, khà cau gơtìp F0 geh tơngŏ jroă pal tus hờ hìu sơnơm nàng sơm kòp pơn jăt tai gơmù. Tiến sĩ-Bác sĩ CKII Võ Văn Thanh, Kwang atbồ Sở Y tế càr Kon Tum pà git, bal mờ broă lơh ngan atbồ, sền gròi, sơm kòp ai 3 rơbô 500 nă cau F0 tŭ do gam tam cah is sơm kòp tàm hìu in, gah lơh sơnơm càr kung neh rơcang ai broă sơm kòp, pơlam ală cau tơnơ̆ mờ kòp kovid-19 in. Bơh sơnrờp kòp gơtờp tus tŭ do, gah lơh sơnơm càr Kon Tum neh dờp geh di pơgăp 45 rơbô nă cau gơtờp kòp kovid-19. Tàm hơ̆ geh rơlao 40 rơbô nă cau tam cah is sền gròi nàng sơm kòp tàm hìu.

Cau mblàng Ndong Brawl