VOV4.K’ho- Rơcang lài sơndră kòp kơnòm dềt in tàm tơngai tam gơl kàl, Sở Y tế càr Kon Tum neh đơng lam Anih tờm gròi sền kòp tê jê să mờ ală hìu sơnơm, anih lơh sơnơm sơlơ tơnguh broă yal tơnggit jơnau, mblàng yal jơnau jrô ơnàng bè bơta ngòt rơngơt bơh 2, 3 bơta kòp dê gơ wèt tus mờ kơnòm dềt. Bal mờ hơ̆ bơh uă broă lơh bè yal jơnau tơnggit tàm loa pờ tơlik jơnau đơs, rơndeh loa lòt làm bă tiah, sră cih jơnau yal, áp phích, pờ tơlik tàm mạng xã hội... pơlam làng bol bơta chài rơcang sơndră ală bơta kòp bơtờp ai kơnòm dềt in.

Ƀak sĩ kham mờ pơlam sền gàr pràn kơldang să jan

Tus tŭ do, tàm càr Kon Tum, khà cau kòp là kơnòm dềt gơmù pơndrờm mờ bal dùl tŭ nam lài, mùl màl bè kòp jơng tê bơr gơmù 37 nă, thủy đậu gơmù 53 nă... Bulah bè hơ̆, jat bơta ờs mờng 3 nam dùl dơ̆, nam 2022 geh đơs lài là nam gơbàn uă kòp sốt xuất huyết tàm càr Kon Tum.

Cau mblàng K’Duẩn