VOV4.K’ho- Ngai 22/04, Ủy ƀan Ñân zân càr Dăk Lăk neh ai ngui Kơrnoat tơn jơh lơh broă Hìu sơnơm ing sồ 1 (tàm Hìu ơm Hìu bơsram Cao Đẳng Sư phạm Dăk Lăk).

Cau bời kòp rê bơh Hìu sơnơm ing sồ 1

Hìu sơnơm ing do mut lơh broă bơh bồ nhai 8 nam 2021, mờ geh 1 rơbô nơm cơnờng kòp. Tàm tŭ lơh broă, hìu sơnơm neh tơrgùm mờ sơm kòp ai mờr 10 rơbô nă cau kòp Kovid -19. Mờ kơrnoat tơn jơh lơh broă do, Ủy ƀan Ñân zân càr Dăk Lăk jàu Mpồl Kwang atbồ Hìu sơnơm ing sồ 1 in pơgồp bal mờ Sở Y tế mờ ală anih lơh broă geh gơrềng lơh jơh ală sră nggal, mơkung lơh jat ală broă lơh lơh sàng kloh, ƀồm sơnơm lơh kloh khuẩn tàm jàu phan bơna ai Hìu bơsram Cao Đẳng Sư phạm Dăk Lăk dê in nàng mpồl do pơn jat tai lơh jat kơnòl broă ờs mờng.

Cau mblàng K’Hạnh