VOV4.K’ho - Gah lơh sơnơm càr Lâm Đồng gam mhar lơh jăt rơndăp broă cit sơnơm vaccin sơndră mờ kòp Kovid-19 ai kơnòm dềt bơh 5 tus hờ đơm 12 sơnam in. Gùt càr tŭ do geh rơlao 179 rơbô 600 nă kơnòm dềt bơh 5 tus hờ đơm 12 sơnam.

         Lâm Đồng: Cit 13 rơbô 700 ding sơnơm vaccine rơcang sơndră mờ kòp Kovid-19 ai kơnòm dềt in

Dơ̆ cit sơnrờp ngan ai mpồl cau do in, kờp dŭ geh 13 rơbô 700 nă kơnòm dềt tơl bơh 11 tus 12 sơnam, geh cit sơnơm vaccin Moderna. Tŭ do, Sở Y tế càr Lâm Đồng neh tam pà jơh sơnơm vaccine do ai ală tiah tàm càr in nàng ală tiah bơyai lơh cit di jăt mờ kơrnoăt geh ai, mờ geh lơh gơs broă cit sơnơm tàm ngai 25 nhai 4. Mò Huỳnh Thị Phương Duyên, Phó kwang atbồ Sở Y tế càr Lâm Đồng pà git, bal mờ broă rơcang niam ai dơ̆ cit sơnơm vaccine rơcang sơndră mờ kòp in, ală tiah tàm càr pơn jăt tai lam sồr nàng làng bol bañ sền ờ sơ̆p, ờ sền gròi ală broă rơcang sơndră mờ kòp gơtờp.

Cau mblàng Ndong Brawl