VOV4.K’ho - Mờ tơngu me “Rơcang tam gơl - Gơdờp tơnguh”, Pơrlòng pờ tơlik jơnau đơs gùt lơgar dơ̆ 15 nam 2022 geh Anih jơnau đơs Việt Nam (VOV) pơgồp bal mờ UɃÑZ ƀòn dờng Hồ Chí Minh bơyai lơh neh geh sơn đờm mang òr (04/08) tàm hìu đơs crih ƀòn dờng Hồ Chí Minh.

                        Pơrlòng pờ tơlik jơnau đơs gùt lơgar dơ̆ 15 geh bơyai lơh tàm ƀòn dờng Hồ Chí Minh

Pơrlòng nam do geh broă tus bal bơh 86 mpồl, geh 203 jơnau cih mŭt tàm dar pơrlòng dŭt ndơl, geh 65 jơnau cih gơwèt bơta yal tơngit; 37 jơnau đơs gơwèt bơta lùp; 11 jơnau pờ tơlik jơnau đơs; 57 tơngu me pờ tơlik jơnau đơs; 33 jơnau lơh lèo; 34 broă pờ tơlik jơnau đơs tơn. Pơrlòng pờ tơlik jơnau đơs dơ̆ do là dùl broă lơh geh kwơ màng ngan gơwèt mờ ƀòn dờng Hồ Chí Minh bal mờ gùt lơgar dê tơnơ̆ mờ rơlao 2 nam rơcang sơndră mờ kòp Kovid-19. Ală jơnau cih geh yal mùl màl mờ niam bơnĕ ngan tàm broă rơcang sơndră mờ kòp gơtờp mờ tơnguh wơl tơnguh bơtaù lơh sa mpồl bơtiàn geh pơn jờng mờ jào khà tàm dơ̆ pơrlòng dơ̆ do.

Cau mblàng Ndong Brawl