Do là ƀòn ơm kis bơh mpồl bơtiàn cau bơh lơgar Lào, geh càr ai broă rơndăp lơh tơnguh bơtàu nhơl chờ mpồl bơtiàn tàm tơngai bơh tŭ do tus nam 2025. Tàm ƀòn Trí, xã Krông Na, kơnhoàl Buôn Đôn tŭ do geh mờr 100 hìu mờ 250 nă cau bơh lơgar Lào gam ơm kis tơrgùm bal mờ geh uă broă lơh sa, bơta chài rơgơi pơgồp bal mờ tiah nhơl chờ Rơbàng yồng Buôn Đôn.

Tàm nhai 4 pah nam, càr Dăk Lăk pơgồp bal mờ Mpồl git gơ̆p lơh bơyô bal lơgar Việt Nam mờ lơgar Lào sùm bơyai lơh satềp Bunpinay, do là lơh chờ ờs mờng dờng ngan mpồl cau lơgar Lào dê kis tàm ƀòn do. Buôn Đôn kung là tiah geh uă phan lời wơl jŏ rài geh uă bơta niam chài rơgơi cau bơh lơgar Lào dê. Do là ală bơta ƀuơn nàng càr pơn jăt tai sền mờ geh ală broă lơh pơn jăt tai nàng lơh jăt broă tơnguh bơtàu nhơl chờ ai bơh tàm mpồl bơtiàn nàng yal bơta niam chài rơgơi bơh cau lơgar Việt Nam geh jơi bơtiàn bơh lơgar Lào tàm càr Dăk Lăk tus mờ cau năc nhơl chờ.