Dơ̆ ơm rơlô ngai Sơn tờm dà lơgar nam do geh 4 ngai, trồ tiah tơngai duh niam. Do là bơta ƀuơn nàng cau năc tus càr Khánh Hoà lòt nhơl, ơm rơlô să.

Jăt Sờh Niam chài, Tàp pràn să jan mờ Lòt nhơl càr Khánh Hoà yal, gùt càr wă mờr 908 rơbô nă cau năc, gơguh 10% pơn drờm mờ tŭ do nam lài. Tàm khà cau năc lòt nhơl tus càr Khánh Hoà, geh rơlao 1 bơnah 4 là cau năc ơm wơl, cau năc bơh ală lơgar gơguh mờr nggùl pơn drờm mờ nam lài. Bơta pràn anih ơm geh mờr 80%. Mờ priă geh mờr 1 rơbô tơmàn dong bơh lòt nhơl, gơguh rơlao 25% pơn drờm mờ nam lài, càr Khánh Hoà pơn jăt tai ai tơngŏ bơta niam bơh anih tus dà lềng, bồt dà lềng pơnrơ ngan gùt lơgar dê, lời wơl uă bơta niam tàm nùs nhơm cau năc di Sơn tờm Dà lơgar. Do là bơta tơngŏ niam, pà gŏ bơta bơtàu tơnguh lòt nhơl càr Khánh Hoà-Ninh Thuận tơrgùm bal dê.