Pơrjum cri bơyai neh hòi jà geh gal ală cau jăk, cau chài, ală cau lơh broă Việt Nam họk geh pơnrơ ngan bơh lơgar Nga mờ ală cau bơsram dờng lơgar Nga kờñ gơboh mờ bơta chài rơgơi Việt Nam.

           Cri bơyai khoa họk bè bơta chài rơgơi ờs mờng lơgar Việt Nam tàm lơgar Nga

Pơrjum geh tam pà gơs 3 dơ̆, mờ 14 jơnau đơs, geh bal broă lơh tơn mờ pờ tàm internet. Ală cau jăk chài, cau bơsram neh cri bơyai bè văn họk, lịc sử, dà đơs, akhar cih, phan lời wơl, jăt yàng lơgar Việt Nam. Tàm pơrjum cri bơyai, Giáo sư, Tiến sĩ khoa họk ồng Vladimir Mazyrin, kwang atbồ anih kơlôi sơnơng Việt Nam mờ mpồl ASEAN pà git, pơrjum cri bơyai neh hòi jà geh gal ală cau bơsram, cau jăk chài mờ ală cau sền gròi tus mờ bơta chài rơgơi Việt Nam tus bal. Giáo sư Vladimir Mazyrin đơs tờm, pơrjum cri bơyai neh dong kờl geh uă cau lơgar Nga wă rơlao bè ală bơta niam ờs mờng bơh bơta chài rơgơi, dà lơgar bal mờ kòn bơnus lơgar Việt Nam.