Cribơyai tơrgùm sền swì, đơs mờ mblàng sền jăt 3 mpồl broă dờng, tàm hơ̆ geh: gùng dà broă lơh, adat boh lam, bơta pràn (geh bal mpồl cau lơh broă mờ bơta pràn priă jền) nàng gơtùi ai bơtàu tơnguh niam chài. Bal mờ hơ̆, ală cau ala măt kung cribơyai bè ală kơnòl broă bơh niam chài dê nàng gŏ loh geh bơta kwơmàng bơh niam chài, bơtàu tơnguh niam chài dê là gàr niam ai bơta bơtàu tơnguh kơ̆ kơl jăp bơh dà lơgar dê. Kwang ătbồ Ủy ƀan Niam chài, Bơto bơtê ồng Nguyễn Đắc Vinh, Kwang ătbồ Mpồl bơyai lơh Cribơyai, đơs: Bơta pràn tam do, hơ̆ là mpồl cau lơh broă, hơ̆ là bơta pràn kòn bơnus. Dơ̆ bàr là bơta pràn bè priă jền. Bơta pràn priă jền den gơtùi hòi jà tă pơgồp bơh uă bơnah tàm do. Lài ngan là bol he đơs tus priă ai bơh kes priă dà lơgar dê mờ bơta pràn mpồl bơtiàn tă pơgồp, bơh ală mpồl lơh sa kă bro mờ bơta tă pơgồp bơh mpồl bơtiàn, bơh làng bol dê, ai tơl bơta pràn nàng lơh geh tiah niam rlau nàng niam chài in bơtàu tơnguh.