Dăk Lăk geh tai 2 phan lời wơl niam chài ờ di phan bơna kâp dà lơgar
Thứ bảy, 09:16, 17/12/2022
Cau mblàng K'Duẩn/ VOV Tây Nguyên
Cau mblàng K'Duẩn/ VOV Tây Nguyên
VOV4.K'Ho - Drim ngai 16/12, Sở Văn hóa- Thể thao mờ Zu lịc càr Dăk Lăk bơyai lơh Yal phan lời wơl niam chài ờ di phan bơna dà lơgar mờ jàu pà, pà cau neh sangr ài in khà jờng nghệ ñân ưu tú.
Di dơ̆ do, 2 phan lời wơl tàm Dăk Lăk geh Ƀộ Văn hóa, Thể thao mờ Zu lịc dờp là phan lời wơl niam chài ờ di phan bơna kâp dà lơgar geh “Bơhiàn bơh yau mpồl bơtiàn mờ pin dờn lơh yàng gờm chờ kis jŏ bơh cau M’nông kơnhoàl Lăk dê” mờ “Ngữ văn bơh yau Jơnau đơs nrĭ bơh cau Rơđê kơnhoàl Cư mgar dê”. Bè hơ̆, bal mờ Khan (hơ̆ là yal yau cau Rơđê dê) neh geh dờp tàm nam 2014, tus tŭ do, Dăk Lăk neh geh 3 phan lời wơl ờ di phan bơna dà lơgar.
Nam do, Dăk Lăk gam geh 17 nă nghệ ñân geh Củ tịc lơgar pà mờ 3 nă nghệ ñên neh sang rài geh pà khà jờng Nghệ ñân ưu tú tài neh geh cồng nha jak ngan tàm broă sền gàr mờ ngui niam bơta kuơ niam chài ờ di phan bơna bơh jơi bơtiàn dê.
Viết bình luận