Tus bal Dơ̆ pơrlòng Tàp pràn să jan gùt lơgar dơ̆ IX nam 2022, mpồl tàp pràn să jan càr Dăk Lăk geh 150 nă cau tàm pơrlòng, cau pơlam tàp pràn să jan tàm pơrlòng tàm 14/43 tơngume. Cồng nha, mpồl neh geh 13 nơm gai lòng biàng, 9 nơm gai làng trà mờ 15 nơm gai lòng lơngô. Tàm hơ̆ pal sền gròi ngan là geh 2 nă cau tàm pơrlòng sơr lèt jak ngan dà lơgar tàm môn yờ tạ, môn kéo ko ai geh khà 1 gùt mpồl, mờ ơm dơ̆ 20/65 càr, ƀòn dờng, gah lơh broă tàm gùt lơgar dê.

Tàm dơ̆ tơn jơh, ồng Võ Văn Cảnh– Phó Chủ tịc Ủy ƀan Ñân zân càr Dăk Lăk gờm chờ mpồl tàp pràn să jan càr Dăk Lăk neh sơr lèt gan uă bơta kal ke, bơta lòng tàm tơngai kòp bơtờp uă nàng pơlam tàp, tàm pơrlòng lơh geh cồng nha uă ngan. Di dơ̆ do, Ủy ƀan Ñân zân càr Dăk Lăk neh pà bằng khen ai 13 nă cau pơlam tàp pràn să jan, 36 nă cau tàm pơrlòng tài neh geh cồng nha jak ngan tàm broă bơto pơlam mờ tàm pơrlòng tàm Dơ̆ pơrlòng Tàp pràn să jan gùt lơgar dơ̆ 9 nam 2022 pa do.