Ồng Lại Đức Đại, Phó Kwang ătbồ Sở Văn hoá, Thể thao mờ Zu lịc càr Dăk Lăk pà gĭt: Bơh nam 2019, Dơ̆ bơyai lơh kah rơngal ală cau ling kăc màng tàm Hìu jàm Buôn Ma Thuột gơ gơs là broă lơh geh bơyai lơh sùm pah nam, nàng kwang bàng, đảng viên mờ làng bol ală jơi bơtiàn tàm càr in tơngŏ nùs nhơm kah rơngal jrô ơnàng dà kơlhề dờng ngan bơh ală cau ling kộng sản dê neh geh tŭ gơtìp krơ̆ jàm, chơ̆t phi să tàm Hìu jàm Buôn Ma Thuột. Do kung gơ gơs là “ù tiah pôs đồng kăc màng” ai làng bol mờ năc lòt nhơl in tus còp nàng gĭt bè jơnau kah yau. Bơh hơ̆, bơto bơtê nùs nhơm bồ tơngoh, cíñ trị bè bơhiàn kăc màng bơh ling klàng mờ làng bol he dê, pơgồp lơh gơrề nùs nhơm tam klăc, nùs nhơm pơñiờ să jơi bơtiàn dê bal mờ broă lơh ngan bơ̆t bơtàu ƀòn lơgar, dà lơgar ngai sơlơ jak chài, pas sơm niam bơnĕ.