VOV4.K’ho- Drim ngai 10/10, tàm ƀòn dờng Buôn Ma Thuột, mpồl cih sră niam chài đơs crih tamya càr Dăk Lăk pơgồp bal mờ Sở Giáo zụk mờ Đào tạo bơyai lơh lam lơh dơ̆ pơrlòng “Cih bè pơgru mờ hìu bơsram kờñ gơboh” di tơngkah 40 nam Ngai cau pơgru Việt Nam (20/11/1982 – 20/11/2022).

Geh lơh bơh tŭ do tus jơh ngai 16/11 tus, dơ̆ pơrlòng “Cih bè pơgru mờ hìu bơsram kờñ gơboh” lời ai ală kwang bàng, kông cứk, viên cứk, cau lơh broă gah bơto bơsram mờ kơnòm bơsram, cau bơsram dờng ală hìu bơsram tàm càr Dăk Lăk in. Jơnau tus bal pơrlòng là jơnau cih văn xuôi, tơrgùm cih bè ală jơnau kir sơnrai niam ngan, ală broă gơlik geh gah bơto bơsram pơn rơ ngan halà niam ngan, nùs nhơm rềp mềr mờ hìu bơsram mờ pơgru.

VOV Tây Nguyên- Cau mblàng K’Duẩn