Tàm săp ntas dròng cing nggồr nggàc ngan, ồng HLoan dê ơm tàm ƀòn Akô Dhông, ƀòn dờng Buôn Ma Thuột cau tờm drơng lơh dơ̆ lơh yàng lơh sa geh tơnhàu răc dan mờ yàng mờ yal mờ cau năc kwơ in bè cồng nha lơh sa phan tam tàm nam pa do. Kơnờm bơh mìu nhàc niam, chi tam hòn gơs niam, plai đo mbòr bềng tềng ntê den tàng kàl lơh sa geh tơnhàu uă ngan. Kòi prăp bềng drong, kơphê prăp bềng đam. Tŭ do, phan tam neh tơnhàu jơh, cau tờm hìu bơnhă lơh yàng kah ưn ngài, ưn ngài trồ tiah, ưn ngài yàng mờ tam pà bal bơta chờ hờp mờ jơh tơl nă cau.

Ồng Hloan dê pà gĭt, dơ̆ lơh yàng chờ lơh sa geh tơnhàu neh geh bơh jŏ rài ngan tàm bơhiàn bơh yau lơh kòi mìr bơh cau Rơđê dê. Ngai do, cau Rơđê neh tam gơl tus tam uă tờm chi tam jŏ nam bè tiêu, kơphê. Bulah bè hơ̆, broă lơh yàng chờ lơh sa geh tơnhàu kung gam wơl bè ờs sơl bơta kwơ. Tàm dơ̆ bơyai lơh do, năc lòt nhơl gam geh sền broă lơh lèu yal yau Dam San mờ lùp sền nàng gĭt bè bơhiàn niam chài kơphê bơh uă lơgar tàm dunia dê. Do là dùl broă lơh wèt tus Dơ̆ lơh chờ kơphê Buôn Ma Thuột nam 2023 rơcăng lơh tàm nhai 3 nam tơnơ̆ tàm Dăk Lăk.