Dăk Lăk: Rơlao 5 rơbô pang rùp wăc bè “Nùs nhơm lơh bơyô bal đah lơgar Việt Nam mờ lơgar Hàn Quốk”
Thứ sáu, 07:55, 23/12/2022
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (22/12), Mpồl ală mpồl lơh bơyô càr Dăk Lăk bal mờ Phòng Giáo dụk mờ Đào tạo ƀòn dờng Buôn Ma Thuột bơyai lơh tơn jơh mờ jào khà bơh dơ̆ pơrlòng wăc rùp mờ tơngu me “Nùs nhơm lơh bơyô bal đah lơgar Việt Nam mờ lơgar Hàn Quốk”, di tơnkah 30 nam ngai crơng gơs bơta git gơ̆p lơh broă bal đah lơgar Việt Nam mờ lơgar Hàn Quốk (22/12).
Geh lam lơh bơh nhai 9 nam do, dơ̆ pơrlòng neh hòi jà rơlao 5 rơbô jơnau tus pơrlòng bơh kơnòm bơsram 2 kấp, kấp 1 mờ kấp 2 tàm ƀòn dờng Buôn Ma Thuột tus bal.
Neh rơlao ală dar ai khà pơrlòng, mpồl duh broă ai khà pơrlòng neh rơwah mờ jào khà ai 18 pang rùp niam ngan in tàm jơh 2 kấp bơsram mờ 2 khà 1, 2 khà 2, 4 khà 3 mờ 10 khà pơn jờng. Ồng Võ Tấn Tài, Phó củ tịc Thường trựk Mpồl ală mpồl lơh bơyô càr Dăk Lăk, kwang atbồ mpồl bơyai lơh dơ̆ pơrlòng pà git, dơ̆ pơrlòng là broă lơh kwơ màng ngan nàng chờ gờm di tơnkah 30 nam ngai crơng gơs bơta git gơ̆p lơh broă bal mờ lơgar ndai đah lơgar Việt Nam mờ lơgar Hàn Quốk.
Viết bình luận